ကမ္ဘာနဲ့ငါ

ပြန့်ကျဲနေတဲ့ မြေပြင်တွေကြား
ပြုတ်ကျသွားတဲ့ အိပ်မက်တွေ
တစ်စစီ ပြန်ကောက်လို့
မလင်းမမှောင်ထဲ ငါတယောက်ထဲ...

တိမ်ပါးသွားတဲ့ မာနတွေကို
မြေချဖို့ ငါ့မှာပြင်ဆင်
ပျော်ဝင်နေတဲ့ အတ္တစိတ်တွေကြောင့်
ငါ့အတိတ်တွေ သပိတ်မှောက်ခဲ့...

စောင်းနေတဲ့ ကမ္ဘာမှာ
ရှင်သန်တဲ့လူတွေ
အစောင်းမြင်တာက
ထူခြားမှု မရှိပါဘူး...

လည်နေတဲ့ ကမ္ဘာမှာ
ရှင်သန်တဲ့လူတွေ
အချင်းချင်း လိမ်လည်တာလည်း
အဆန်း မဟုတ်ပါဘူး...

နှစ်ဆယ်လေးနာရီ ပြည့်ဖို့
သွားနေရတဲ့ ခရီးက
ပင်ပန်းလှတယ်
ကိုယ်နဲ့စိတ် နှစ်ခုခွဲနိုင်ရင်
ငါ့စိတ်က မင်းအနားမှာပါပဲ...

ကြယ်ကြွေတိုင်းတာ
ဆုတောင်းပြည့်ခဲ့ရင်
မင်းမရှိတဲ့နေရာမှာ
ငါ့ခြေရာရှိမှာမဟုတ်တော့ဘူး...

မရှင်းမလင်း မနက်တွေနဲ့
ဆက်နေခဲ့ မှောင်မိုက်တဲ့ညတွေမှာ
အမှန်တရားကို အမှားတစ်ရာလုပ်ခဲ့မိလို့
ငါ့အပြစ်နဲ့ငါ ရှုပ်နေခဲ့တယ်
ငါတို့ကို အုပ်စိုးထားတဲ့ ကောင်းကင်ကြီးတောင်
ဘောင်းဘီမှမ၀တ်ပဲ
ရှက်စရာဆိုတာ ဘာပြဿနာရှိတော့မလဲ...


"မင်းကိုချစ်တဲ့သူ"

အလွမ်းများ

တိမ်တွေကိုခိုလို့
ဒို့တွေပျော်မြူးတဲ့အခိုက်မှာ
မနက်ဖြန်ဆိုတာ တွေးစရာမပါ
ခေါက်သိမ်းခဲ့တဲ့ အချိန်များစွာ...

အိပ်ငိုက်နေတဲ့ သတိနဲ့
ခရီးဆက်မိတဲ့ ငါ့အတွက်
ကြမ္မာနဲ့ကံ နှစ်မျိုးရောလို့
ငါ့နှလုံးသားကို ဆေးကြောနေခဲ့...

အဖြေမဲ့စရာ လမ်းများစွာနဲ့
သူမရှိတဲ့ နေ့များစွာက
လမရှိတဲ့ ညတွေလိုပဲ
ရင်ခုန်သံတွေ ရေခဲရိုက်ခံနေရတယ်...

ဆုံရန်ခက်တဲ့ အချိန်တွေနဲ့
မောဟိုက်နေတဲ့ နှလုံးသားအတွက်
သူ့ရဲ့အပြုံးစကား တွေနဲ့
ပြန်ဆုံမယ့်ရက်ကို စောင့်မျှော်ချင်တယ်

ကောင်းကင်ထက်က ကြယ်တွေရယ်
လွမ်းချင်းတွေအတွက် မကြွေပါနဲ့
မိုးပေါ်က တိမ်တိုက်တွေလည်း
ငါ့ကိုသနားလို့ မငိုပါနဲ့
ယုံစားလို့မရတဲ့ ကံကြမ္မာအတွက်
စာတစ်စုကို ပြောပြမယ်
လှေနဲ့ ကမ်း တစ်နေ့တော့ပြန်ဆုံမယ်...


"မင်းကိုချစ်တဲ့သူ"