Thursday, December 24, 2009

ဥပက္ခာ လောကသား

ပျော်စရာ လောကမှာ
ဒေါသတွေ အထပ်ထပ်
တရက်ပြီး နောက်တရက်
စောဒက တက်မှုကြောင့်
သောကတွေ များနေခဲ့...

လိုတာမရ ရတာမလို
ကြံရာမရ ပြန်ကာရတဲ့
ဒီဘ၀မှာ အနှောက်အယှက်
ကယောက်ကယက် ဖြစ်နေခဲ့တဲ့
မက်စောက်လှတဲ့ လောကကြီးရယ်...

ပင်လယ်ရေမှာ ဆားငန်ဓာတ်များ
မသန့်ရှင်းတဲ့ မြစ်ရေကန်များ
ညစ်ပတ်နေတဲ့ ရွံ့ရေကန်နဲ့
ထပ်တူကြတဲ့ လူတွေရဲ့စိတ်
အရောင်မှိန်လို့ အတ္တတွေပိတ်
ပျောက်ပျက်သွားတဲ့ ဖြူစင်တဲ့စိတ်...

ရောင်ခြည်အိပ်လို့ နေ၀င်ခဲ့တဲ့
အမှတ်မထင် ဖြတ်ကျော်သွားတဲ့
ကုန်ဆုံးခဲ့တဲ့ မနေ့ကအချိန်ကို
သုံးသပ်ကြည့်တိုင်း တိုးတက်မှုက
အကောင်းမရှိ အဆိုးတွေပိလို့
ရုန်းမထွက်နိုင်ပဲ အမုန်းတွေပဲဆင့်ပွား
သနားစရာ ဥပက္ခာ လောကသားများ....


"မင်းကိုချစ်တဲ့သူ"

Monday, December 14, 2009

ငါ့အတွက်မဟုတ်တဲ့ SWEET DECEMBER

ပျော်ရွင်ခြင်းတွေကို အဆိပ်ခပ်
သာယာခြင်းတွေကို ဘောင်ခပ်
မျှော်လင့်ခြင်းတွေကို နံပါတ်တပ်လို့
အမှောင်အရိပ်တစ်ခုအောက် အလင်းကိုစောင့်ခဲ့တယ်...

ကြေကွဲခြင်းတွေကို စောင့်မျှော်
နာကြဉ်းခြင်းတွေကို ပုံဖော်
မတရားခြင်းတွေကို လှမ်းခေါ်လို့
ကျော်ဖြတ်ခဲ့တဲ့နေ့တွေကို လက်ချိုးရေခဲ့တယ်...

နေရာဆိုတာ မရေရာ
အချိန်ဆိုတာ မသေချာ
ဝေဒနာတွေတာ ဝေေ၀ဆာ
နှစ်ထောင်နဲ့ကိုးအကုန် ဒီဇင်ဘာ...

ထင်ယောင်ထင်မှား အတွေးများက
မနေ့ကနဲ့မတူအောင် ထူးခြားဆန်းပြား
ရူးသွားလောက်အောင် ပြုစားတတ်လို့
အရူးများစာရင်းမှာ ဦးဦးဖျားဖျားဖြစ်ခဲ့ပါပြီ...

တွေ့မြင်နေတဲ့ မနက်တိုင်းမှာ
ဒီဇင်ဘာရောက်လည်း ထူးခြားမလာ
ဖြတ်ကျော်နေတဲ့ ငါ့ညတွေမှာ
ဒီဇင်ဘာရောက်လည်း ကြယ်မတွေ့ပါ
သြော် ငါ့အတွက်မဟုတ်တဲ့ SWEET DECEMBER...


P.S. "သတ္တ၀ါတစ်ခု ကံတစ်ခုတဲ့... ဒါနဲ့တင် ယုံလို့ရပါပြီ..."

"မင်းကိုချစ်တဲ့သူ"