Saturday, March 5, 2011

အလွမ်းများ

တိမ်တွေကိုခိုလို့
ဒို့တွေပျော်မြူးတဲ့အခိုက်မှာ
မနက်ဖြန်ဆိုတာ တွေးစရာမပါ
ခေါက်သိမ်းခဲ့တဲ့ အချိန်များစွာ...

အိပ်ငိုက်နေတဲ့ သတိနဲ့
ခရီးဆက်မိတဲ့ ငါ့အတွက်
ကြမ္မာနဲ့ကံ နှစ်မျိုးရောလို့
ငါ့နှလုံးသားကို ဆေးကြောနေခဲ့...

အဖြေမဲ့စရာ လမ်းများစွာနဲ့
သူမရှိတဲ့ နေ့များစွာက
လမရှိတဲ့ ညတွေလိုပဲ
ရင်ခုန်သံတွေ ရေခဲရိုက်ခံနေရတယ်...

ဆုံရန်ခက်တဲ့ အချိန်တွေနဲ့
မောဟိုက်နေတဲ့ နှလုံးသားအတွက်
သူ့ရဲ့အပြုံးစကား တွေနဲ့
ပြန်ဆုံမယ့်ရက်ကို စောင့်မျှော်ချင်တယ်

ကောင်းကင်ထက်က ကြယ်တွေရယ်
လွမ်းချင်းတွေအတွက် မကြွေပါနဲ့
မိုးပေါ်က တိမ်တိုက်တွေလည်း
ငါ့ကိုသနားလို့ မငိုပါနဲ့
ယုံစားလို့မရတဲ့ ကံကြမ္မာအတွက်
စာတစ်စုကို ပြောပြမယ်
လှေနဲ့ ကမ်း တစ်နေ့တော့ပြန်ဆုံမယ်...


"မင်းကိုချစ်တဲ့သူ"

1 comment:

  1. ကဗျာ အားပေးသွားတယ်ဗျို့ ..

    ခင်မင်လျှက်
    ဆောင်းနှင်းရွက်

    ReplyDelete